>>> St. Francis Xavier's School, T.W. 荃灣聖芳濟中學 <<<
係禮拜六番母校聖芳濟(SFXS)既師友計劃(TnF)之後，就幫我以前外籍教師MissCook既一個中四學生(Kenny)準備一篇作文，MissCook話佢既作文都幾弱，無晒作英文文既信心，要由寫大綱開始。
咁我就係同葉雨等TnFTutor食完lunch之後番去SFXS等個學生番黎，一路做左個幾兩個鐘，係我自己長氣者，唔關佢作文快慢事。
但係，做完之後佢就問左我呢個問題：「你學習既動力係咩呀？」佢話佢唔知番學係為左乜。我啞左幾秒後，答左佢好「行」既答案，應該係我記憶中我ｄ老師講過既野，我一路講一路覺得有ｄ老土。佢話佢鍾意打機，想用打機黎搵食。我一聽，即刻覺得好面熟，好似幾時聽過咁，係唔係所有人既學生時代都會有咁諗過既呢？
我就同Kenny講左我覺得老師都會講既說話，我話以一個人既生命黎睇，自己決定走咩路一定比跟人家既路黎行好玩得多，打機係走人家既路，設計遊戲係自己搵路俾人地行。我話我都好鍾意打機，亦明白打機比較起讀書既快樂，但係而家鍾意既野，唔一定永遠鍾意。我提議佢讀好ｄ數學、Physics，可以向程式或者圖像設計發展，佢點頭。我咁同佢講岩唔岩呢？
今日MissCook電郵番我，話Kenny今日無番學，吾．．．唔通我講錯野？