>>> Webshots Community - Andrew影的相 <<<
尋日夜左ｄｄ瞓，所以今日晏ｄ起身．．．不過其實我成日都係幾晏起既人黎架喇，特別係無所事事既日子。
濕基upload左尋日上賽馬會clubhouse既相簿，大部份係「傑」作，所以佢話唔會post好耐，唔知佢會幾時洗架，要睇好快ｄ，while stock lasts。我都download左係電腦度，咁重要既場合播！
之前幾日好似都有ｄ野做下，跟住可能就無乜節目，日日晏起打機去補習既時候，日記可以寫ｄ咩架？寫下法文好唔好呢．．．
尋晚無寫，同濕基、Sally夜遊銅鑼灣Sogo，一年兩度大特價，10%off俾我講成減一折，大家都搵唔到想買既野，sally俾媽咪既褲，濕基俾佢兩個女既衫，我俾我自己既唔知咩，通通都無喇，最後只有Sally成功係supermarché買左波子汽水同chocolat捧，我同濕基就走食左個beard papa既cream puff。之後收隊，港島、沙田、荃灣，我諗都算係三個住得最遠既人喇。
夜晚同中三既阿杰補習，要揀中四讀咩科，佢媽咪問讀理科既話，揀咩科目好：有生物、附加數、電腦IT同會計，最後我建議佢揀數同電腦IT，我覺得懶懶地既人都係讀數好，明左就唔洗係考試前最後衝刺。佢揀數既話，我又有繼續補落去既機會。