又游水

　　一早起身，自己一個去城門谷游水，覺得自己係大學既第三年運動得太少，懶人一個，唔知可唔可以係呢個暑假做番健康ｄ呢．．．
　　之後下晝去補習，今日果個叫阿鴻，中四，學校由中四開始轉用英文，佢ｄ英文都幾需要進步，不過未必係佢既錯，每人學語文既能力同速度唔同，我覺得自己係好彩既一個，好快就搵到學習既目標同興趣，有ｄ人可能需要多ｄ時間，或者搵唔到串字既動力。我自認係好有耐性既老師，一次唔明既，我唔介意講多幾次，用多幾種唔同既方法。